အားလုံး သိကြတဲ့အတိုင်းပါပဲ။ Viber ကြောင့် ကျွန်တော်တို့ရဲ့ MPT ကိုပေးရတဲ့ ဖုန်းဘေလ်တွေ အတော်အသင့် သက်သာနေခဲ့တာပါ။ ဖုန်းပြောဖို့ကတော့ connection ကောင်းမှ ပြောလို့ရတာဆိုသော်လည်း sms လေးတွေတော့ အပြန်အလှန်ပို့လို့ရသေးတယ်ပေါ့ဗျာ။ sms တင်မကပါဘူးဗျာ။ ချစ်စရာ sticker လှလှလေးတွေလည်း သုံးလို့ရသေးတယ်လေ။ ဒါပေမယ့် viber ကို သုံးတာ ကြာလာတာနဲ့အမျှ viber မှာပါတဲ့ sticker လေးတွေကလည်း နည်းတော့ သုံးရတာ ငြီးငွေ့လာကြမှာပါ။ အခုတော့ sticker အသစ်လေးတွေ ပါလာတဲ့ viber version အသစ်ထွက်လာပါပြီခင်ဗျာ။ သူက facebook က sticker လေးတွေလိုပါပဲ။ လိုချင်တဲ့ ပုံလေးတွေကို sticker market ကနေ ဒေါင်းလုဒ်ဆွဲပြီး သုံးရတာပါ။ တစ်ချို့ sticker လေးတွေကိုတော့ ပိုက်ဆံနဲ့ ရောင်းပါတယ်။ ဒါပေမယ့် free ပေးထားတဲ့အထဲမှာလည်း ချစ်စရာကောင်းတာလေးတွေ ပါတော့ သဘောကျကြမှာပါ။
Sticker ပဲလားဆိုတော့ မဟုတ်သေးဘူးခင်ဗျ။ Hold & Talk ဆိုတာလည်း ပါသေးတယ်ခင်ဗျ။ Hold & Talk ဆိုတဲ့ button လေးကို ဖိထားပြီး စကားပြော..... ပြီးရင် အသံဖိုင်လေးကိုလည်း တိုက်ရိုက်ပို့လို့ရသေးတယ်ခင်ဗျ။
ဒီဗားရှင်းမှာ နောက်ထပ် အသစ်ပါတဲ့ feature တစ်ခုကတော့ Viber Out ဆိုတာလေးပါ။ သူက viber မရှိတဲ့ ဖုန်းတွေကိုပါ viber ကနေ ဖုန်းခေါ်နိုင်အောင် စီစဉ်ပေးထားတာဖြစ်ပါတယ်။ သူ့ကို သုံးမယ်ဆိုရင်တော့ Credit ဝယ်သုံးရမှာဖြစ်တဲ့အတွက် မြန်မာနိုင်ငံကလူတွေအတွက်တော့ သုံးဖို့ အဆင်မပြေနိုင်လောက်သေးပါဘူး။ ပြည်ပက ဘော်ဒါတွေတော့ စမ်းကြည့်ကြပေါ့ဗျာ။ :D
***JUST SH@RING***
